İstifadə Qaydaları

1. Ümumi qaydalar

• Yalnız real, mövcud olan məhsul, xidmət və ya vakansiya barədə elan yerləşdirin. Saxta və ya aldadıcı elanlar qadağandır.
• Hər elan öz kateqoriyasına uyğun yerləşdirilməlidir. Uyğunsuz kateqoriyaya yerləşdirilən elanlar admin tərəfindən köçürülə və ya silinə bilər.
• Eyni elanı bir neçə dəfə təkrar yerləşdirmək (spam) qadağandır.
• Elanın başlığı və təsviri yalnız həmin əşya/xidmətlə bağlı məlumat daşımalıdır — reklam, başqa sayt linki və ya əlaqədar olmayan mətn qadağandır.
• BAŞ HƏRFLƏRLƏ yazılmış başlıqlar, həddindən artıq durğu işarəsi (!!!, ???) və mənasız simvollar qəbul olunmur.

2. Qiymət və əlaqə məlumatları

• Qiymət real olmalıdır. Qəsdən yanlış (çox aşağı və ya "1 AZN" kimi şərti) qiymət göstərmək qadağandır.
• Əlaqə telefon nömrəniz düzgün və aktiv olmalıdır. Başqa şəxsin nömrəsini icazəsiz qeyd etmək qadağandır.
• Razılaşma yolu ilə satılan əşyalar üçün qiymət sahəsini boş buraxa bilərsiniz.

3. Şəkillər

• Yalnız satılan əşyanın/xidmətin öz real şəkillərini yükləyin. Başqa elanlara aid, internetdən götürülmüş və ya katalog şəkilləri qəbul olunmur.
• Hər elana maksimum 8 şəkil, hər biri 5 MB-a qədər yüklənə bilər (JPG, PNG, WEBP).
• Şəkillərdə əlaqə nömrəsi, sayt adı və ya reklam mətni olmamalıdır.
• Zorakılıq, porno-qrafik və ya qanunsuz məzmunlu şəkillər qəti qadağandır və dərhal silinir.

4. Qadağan olunan məzmun və kateqoriyalar

Aşağıdakılarla bağlı elan yerləşdirmək qəti qadağandır:

• Qanunla qadağan olunan silah, döyüş sursatı, partlayıcı və narkotik maddələr
• Oğurluq və ya qanunsuz yolla əldə edilmiş əşyalar
• Saxta sənəd, diplom, möhür və rəsmi sənədlər
• İnsan orqanları, canlı heyvanların qanunsuz alqı-satqısı
• Pornoqrafik məzmun, yetkinlik yaşına çatmayanlarla bağlı hər hansı uyğunsuz material
• Müəllif hüququ pozan (piratlıq) məhsullar
• Piramida sxemləri, "asan pul qazanma" fırıldaqları

5. Hesab və moderasiya

• Yeni yerləşdirilən elanlar avtomatik göründükdən sonra admin tərəfindən yoxlanıla bilər; qaydaları pozan elanlar rədd edilir.
• Elan yerləşdirdikdən sonra 30 gün ərzində aktiv qalır, sonra avtomatik deaktiv olur — "Mənim hesabım" bölməsindən yenidən aktivləşdirə bilərsiniz.
• Qaydaları dəfələrlə pozan istifadəçilərin hesabı admin tərəfindən bloklana bilər.
• Bir istifadəçi eyni vaxtda yalnız bir mağaza (biznes profili) yarada bilər.

6. Məsuliyyət

Milyon.az istifadəçilər arasında vasitəçi deyil — alqı-satqı birbaşa tərəflər arasında baş verir. Sayt inzibatiyyası elanların düzgünlüyünə, keyfiyyətinə və ya tərəflər arasındakı razılaşmalara görə məsuliyyət daşımır. Alış-veriş etməzdən əvvəl məhsulu şəxsən yoxlamağı və tanımadığınız şəxslərlə ictimai/təhlükəsiz yerlərdə görüşməyi tövsiyə edirik.